LAOAG CITY – Inakusaran dagiti agama da nga Edwin Caldito ken Mark Bryan Caldito iti Barangay Nagsanga iti ili ti Pasuquin ni Barangay Kagawad Mariano Cariaga Jr. nga ab-abuswen na ti bileg na opisyal ti barangay.
Daytoy ket gapo iti maipagarop a panangkamat ni Cariaga kenni Mark Bryan a nakaiggem ti kumpay.
Ummuna iti daytoy, idi adda ti maawat nga ayuda ket nagreklamo ni Mark Bryan gapo ta naikkat ti nagan na kadagiti benipisyaryo ken bayat iti daytoy ket adda ti maysa pay a kagawad ken idi nagsubli ket kadua nan ni Cariaga a rimmaot kadakuada a maipagarop a naka-iggem ti bato,
Segun kenni Edwin Cariaga, kalpasan daytoy nga insidente ket nagsasarita da iti PNP ken naurnos met daytoy.
Nupay kasta, kuna ni Mark Bryan nga idi bayat nga iturturong na ti elf truck a nangpaguyod iti ripper ket nasabat na ni Kagawad Mariano Cariaga ken idi nasardengen daytoy ket ada metten iti likod na ti nakapaspaspas a motorsiklo a nagluganan ni Cariaga ken ti kaanakan na no sadinno ket naka-iggem ti kumpay ti kagawad.
Rumrumuar a ti rason ni Cariaga ket naitapwak ti side wheel ti lugan na idi nagsabat da iti elf truck nga inturong ni Mark Bryan ken gapo ta adda ti kumpay ti kagawad ket nagtaray ken naglemmeng iti likod ti elf.
Inbatad na nga inbaga na kenni Kagawad Cariaga a tawagan na ti ama na a ni Edwin Cadilto ngem maipagarop a nadakamat ni Cariaga iti kaanakan na a pumanaw dan iti nasao a lugar gapo ta tumawag ti rekbak ni Mark Bryan.
Gapo iti daytoy, nagsasarita da manen iti pulisya ken ditoy a rumrumuar nga inadmitir ti kagawad ti inaramid na a panangkamat iti kumpay kenni Mark Bryan gapo ta nasakit pay laeng ti rikna na iti datin a napasamak iti nagbabaetan da.
