LAOAG CITY – Natay ti agarup 25 nga indibidual gapu iti uram iti foreign-flagged cargo ship a nakasanglad iti maysa a puerto iti daya a paset ti China.
Kadagiti 42 a tattao a naglugan, 17 ti na-evacuate ken lima kadagitoy ti adda iti ospital a natalgeden ti kasasaadda.
Mainaig iti daytoy, manarimaan ti pannakamentenar ti barko iti maysa a shipyard iti siudad ti Qingdao idi bimtak ti uram iti agarup 11:15 no sadinno a na-fire out met laeng kalpasan ti nasur a tallo nga oras.
Ti Qingdao ket maysa a kangrunaan a trading hubs ken naranngo kas world’s busiest ports.
Saan pay a nalawag no ana ti nakaigapuan ti uram. Ngem nupay kasta, inbatad ni leader Xi Jinping a manarimaanen ti ‘all-out’ search ken rescue efforts dagiti nagduduma nga ahensia.
