LAOAG CITY – Natiliw ti maysa a drug personality babaen ti naiwayat a drug buy bust operation dagiti otoridad iti abgatan a paset ti Ilocos Norte National High School iti Don C. Perlata St., Brgy 4 ditoy siudad ti Laoag.
Nabigbigt ti drug personality a ni Julimar Galang y Fontailla alyas RAMBO, agtawen ti 30, awanan asawa, awan ti trabaho naken residente iti brgy 30-1 Suyo iti nasao a siudad.
Segun ti PNP, ni Galang ket adda iti watchlist Street Level Target.
Naala dagiti otoridad ti maysa a sachet a naglaon ti maipagarup a shabu agaraman pay ti maysa nga elongated sachet ken medium sachet a naglaon ti maipagarup a shabu, 500 peso bill a buy bust money, cellphone, 100 a pisos, dua disposable lighter, motorsiklo ken sabsabali pay.
Agdagup ti 0.78 a gramo ti kadagsen dagiti nakumpiskar a sachet ti maipagarup a shabu nga agbalur ti 7,800 a pisos.
Maisagsaganan metten ti reklamo a maipila kontra kenni Galang.
