LAOAG CITY – Paimbestigaran ti Land Transportation Office iti Independent Commissin on Infrastracture (ICI) ken Ombudsman ti naduktalanda a proyekto iti uneg ti Land Transportation Office Central Office a ti contractor ket ti Sunwest Inc., a kukua ni dati nga Ako Bicol Representative Zaldy Co.
Inbatad ni Land Transportation Office Chief Markus Lacanilao, daytoy ket tapno maammoan no adda ti iregularidad ti proyekto ken no adda dagiti karaman a nangangato nga opisial iti nasao a proyekto.
Immuna iti daytoy, im-imbestigaran metten ti Land Transportation Office ti “underutilized” wenno dagiti saan a maus-usar a pasdek.
Karaman ditoy ti dua a pasdek a nasken koma a dormitoryo kenn maysa nga Information Technology (IT) hub nga agbalor ti agarup sag-kagudua a bilyon a pisos ken maysa a Central Command Center nga agbalor ti P946 milyon.
Naammoan iti naiwayat nga imbestigasion a rinugian dagiti proyekto idi 2021 ken nabayadan daytoy idi Disiembre 2024.
