LAOAG CITY – Maysa nga agasawa idiay Brazil ti napadayawan ti Guinness World Record title a “longest marriage for a living couple” gapu iti 84 a tawenen a panagdennada nga agasawa.
Ni Manoel Angelim Dino, agtawen ti 105 ken Maria de Sousa Dino, agtawen ti 101 ket nagkallaysa idi 1940 iti maysa a kapilya iti Ceará, Brazil kalpasan a nagam-ammoda idi 1936.
Iti uneg ti naunday a panawen, naaddaanda ti 13 nga annak ken addaan ti 55 nga appoko ken agarup 60 nga appoko iti tumeng.
Naammoan nga uray isuda ti kaatiddogan ti panawen sipod idi nagkasarda ket saanda pay a naartapan ti longest marriage ever a nagpaot ti 88 a tawen nga iggem da David Jacob Hiller ken Sarah Davy Hiller ti Canada a nagkasarda idi 1809.
Maysa nga inspirasion ti agasawa a Dino kadagiti mamati a ti pudno nga ayat ket mabalin nga agpaot agingga iti tungpal-biag.
