LAOAG CITY – Nagleppasen ti kampanya ken Asian Games career ni Agatha Wong kalpasan ti pannakaabotna iti 10-place iti women’s taijiquan ken taijijian events idiay Aichi-Nagoya.
Naka-iskor ni Wong ti 18.859 a puntos iti maudi a labanna, kalpasan ti balligi a panangdependar ni Tong Xin iti titulona iti iskorna a 19.553.
Mainaig iti daytoy, naka-iskor met ni Saito Shiho ti Japan ti 19.473, ken idinto a 19.443 met para ken ni Basma Lachkar ti Brunei.
Gapu iti daytoy, napaay ni Wong a makaiyawid ti Asian Games medal ngem iti baet daytoy, impannakelna ti oportunidad a mangibagi ti pagilian iti Asian Games.
Maipalagip a kinumpirmaran ti six-time SEA Games gold medalist a ni Agatha Wong a daytoyen ti maudi nga appearance-na iti Asian Games.
