Manamnama iti pannakaipatakder iti Agri Eco Tourism Site iti Barangay Barit ditoy siudad ti Laoag.
Segun kenni Mayor James Bryan Alcid adda iti nagatang a lote iti ngato a paset ti sand dunes wenno iti boundary ti Brgy Talingaan Lapaz nga addan ti kalawa a 9 ektaria.
Inbatadana a nabayagen a plano daytoy iti pannakaipatakder iti Agri Eco Tourism Site iti siudad.
Kinunana a babaen daytoy gagemna a maitampok dagiti nagduduma a programa iti agrikultura ken produkto dagiti mannalon ditoy siudad.
Innayonna a no maipatakder daytoy ket adada pay a maiyam-ammo ti siudad iti benneg ti turismo ken adda pagpasiaran dagiti umili ken bisita.
