LAOAG CITY – Agtul-tuloy ti panakaipaay ti Agri Inputs kadagiti umili ditoy probinsya babaen iti Agri Ka Dito Program.
Indauluan ni Vice Governor Cecilia Araneta Marcos ken Atty. Pancho Jose ti panakaibunong dagiti agricultural inputs, para iti maika-siyam a bansada ti beneficiaries ti nasao a programa ken naisayangkat iti Provincial Agriculture Office Compound.
Maipalagip a ti nasao a programa ti gobierno probinsial ket nabuangay tapno matulungan dagiti mannalon, mangalap, ken livestock raisers ditoy probinsia.
Ti “Agri ka Dito” ket maysa a flagship program ti Opisina ti Gobernador a panggepna a masustiner dagiti aktibidad para iti livelihood dagiti mannalon, livestock raisers, ken mangngalap iti komunidad babaen ti panangipaay kadakuada iti dagus a tulong iti baet ti agpangato a gastos iti agriculture inputs.
Iti agdama, addan ti PHP 12, 570, 527.00 ti naibunong nga agri Inputs kadagiti benepisiario ti nasao a programa.
