LAOAG CITY – Kataripnong ni Agriculture Secretary William Dar dagiti mannalon intono Biernes, Agosto 30 iti oras ti alas-otso ti bigat iti covered court ti Mariano Marcos State University (MMSU) idiay ciudad ti Batac.
Malaksid kadagiti mannalon, atendaran pay daytoy dagiti opisyal ti Department of Agriculture (DA) manipod national ken regional.
Inbatad ni Doctor Wilma Ibea, center chief ti Department of Agriculture-Ilocos Norte Researce and Experimental Center nga addan to pay ti maibunong kadagiti mannalon nga usaren da nga agtalon.
Innayon na nga ado pay dagiti manamnama a mapagsasaritaan pakaseknan ti panagtalon ken dagiti problema dagiti mannalon ditoy probinsya.
