LAOAG CITY – Maysa nga agtawen 21 nga Amerikano ti nangipakita ti naidumduma a talento kalpasan a nasolbarna ti maysa a 3x3x3 Rubik’s cube kabayatan a naka-blindfold iti las-od laeng ti 11.56 a segundo.
Gapu iti nasao a record breaking event idi Hunio 28, nakaala manen ni Tomy Cherry ti Guiness Wolrd Records para iti “fastest time to solve a 3x3x3 rotating puzzle cube while blindfolded.”
Saan a daytoy ti umuna a gundaway a nagballigi ni Tommy. Nakaburak manen daytoy idiay Florida iti kapada met laeng a talento ngem iti las-od 15.27 a segundo.
Nasursuro ni Tommy ti ag-cube idi 2015 iti tawen nga 11.
No saan a naka-blindfold, kabaelanna ti mangileppas ti cube iti sumurok-kumurang a 7 a segundo, ken adda personal best na a 4.53 a segundo iti kompetision.
Sgun kenkuana, ti panagballigi ket resulta ti agtultuloy a panagsanay ken dedikasion. Manipud iti local competition, immabot daytoy iti top 10 ken saan a nagbayag ket nagbalin a wolrd record holder.
