LAOAG CITY – Inrakurak ti City Health Office ken Amos Tara Community Center a ti maysa nga agtawen ti 13 ket isu ti maibilang a kaubingan a nagpositibo iti Human Immunodeficiency Virus idiay Palawan gapu iti pannakinaig.
Nagballaag dagiti opisial iti agtultuloy a panagngato ti bilang dagiti menor de edad nga addaan ti Human Immunodeficiency Virus.
Segun ken ni City Health Office Program Coordinator Regina Villapa, adda ti 17 a kaso ti Human Immunodeficiency Virus kadagiti ubbing nga agtawen ti agingga iti 14 a karaman ti maysa a madalaga a naakaran manipud iti inana.
Naammoan a dagiti agtutubo nga agtawen ti 15 agingga iti 24, adda ti 391 a kaso; iti tawen a 25 agingga iti 34, adda ti 593 a kaso; iti tawen a 35 agingga iti 49, adda ti 187 a kaso ken 22 a kaso kadagiti agtawen ti 50 ken agpangato.
Ti Puerto Princesa ti kaaduan ti kaso ti Human Immunodeficiency Virus iti MIMAROPA nga addaan ti 709 iti pakabuklan a 1,198 a kaso iti Palawan manipud idi 1988.
Ti RedTop Center iti ospital ti Palawan ti kakaisuna a treatment hub iti probinsia nga agdama nga agserserbi iti 1,210 a pasiente.
Kabayatanna, uray libre ti Human Immunodeficiency Virus testing, adu pay laeng ti agdudua gapu iti buteng wenno kinakurang ti ammoda maipanggep iti daytoy.
Agtultuloy ti pananggutigot dagiti health officials ti publiko nga agbalin a naridama ken inpasiguradoda ti panagbalin a kompidensial ken alisto nga access iti testing.
