LAOAG CITY – Kinumpirmaran ni Barangay Chairman Jondie Bayudan iti Barangay Sto. Niño idiay ili ti Nueva Era ti pannakatay ti maysa nga ubing kalpasan a nalmes iti Papa Dam ti nasao nga ili.
Binigbig ni Bayudan ti biktima a ni Kevin Baoit, agtawen iti innem ken residente met laeng ti nasao a barangay.
Iti eksklusibo nga interview ti Bombo Radyo Laoag ken ni Bayudan, inbatad na napanda naggulgol iti dam kalpasan a naitabon ti ina ti maysa a kagawad na.
Nupay kasta, saan a napuutan ti ina ti ubing ti papanna iti ti danom.
Inbatad na nga immabot ti nasurok a maysa nga oras sakbay a nabirukan ti ubing iti pagdissuuran ti danom ti nasao a dam.
Naitaray ti biktima iti ospital iti ili ti Marcos ngem naideklara a pimmusayen.
