LAOAG CITY – Agtultuloy ti rescue operations ti Nepal ken Tsina kadagiti lugar a naapektaran ti nakaro a panaglayus iti rehiyon ti Himalayas idi Biyernes kalpasan a dimmanon ti maysa a Chinese rescue team iti kontrobersial a Gyirong border crossing complex.
Daytoy ti kaunaan a gundaway, manipud iti nasao nga insidente a nastrek dagiti otoridad iti nadadael a pasilidad iti pagpatenggaanna no sadinno ken inladawanda ti lugar nga awanen ti nabatin.
Nangrugi ti nakaam-ames nga insidente gapu iti paagreggaay ti maysa a dakkel a glacier idi Miyerkules a nangiparuk-at ti napigsa ken dakkel a dalluyon ti bato, yelo, ken pitak.
Gapu iti daytoy, nairekord ti saan a bumaba iti 579 nga indibidual ti nakumpirmaran a natay idiay Nepal gapu iti panagragsa ti layus, ken idinto a 7 met ti nairekord a natay iti rehiyon ti Tibet idiay Tsina.
