LAOAG CITY – Agtultuloy paylaeng a makapaspasar ti aftershocks iti probinsya nga Abra kalpasan ti idadayyeg ti magnitude 7.3 a gingined idi miyerkules, Hulyo 13.
Agpapan kadagitoy a gundaway ket adda paylaeng ti panagamak dagiti residente nga agsubli kadagiti pagtaengan da.
Gapu iti daytoy, ado paylaeng dagiti residente a pinili da ti agtalinaed iti evacuation center ken kadagiti basketball court.
Naamoan nga adda da metten dagiti sumagmamano a residente a nagsublin iti balayda.
Nupay kasta, binilin ti gobierno probinsyal iti Abra dagiti opisyal ti barangay a masapol nga imonitor da dagiti kabarangayan da kangrunaan na ket makapaspasar paylaeng kadagiti aftershocks ti nasao a probinsya.
Mainaig iti daytoy, agtultuloy dagiti maaw-awat a tulong ti Abra manipod kadagiti nagduduma a probinsya iti intero a pagilyan, malaksid pay dagiti tulong manipod iti gobierno national ken iti nagduduma a pagilyan.
