LAOAG CITY – Natay ti maysa a lalaki kalpasan ti napasamak a pammaltog iti Barangay La Virgen Milagrosa, Badoc, Ilocos Norte.
Nabigbig daytoy a ni Ramil Laforga y Magalipay, agtawen ti 47, naasawaan ken agpapaay kas maysa a technician.
Nairaman pay a napaltogan dagiti dua nga annak ti biktima a nabigbig a da Melrose Laforga, agtawen ti 23 ken Rowen Jean Laforga, agtawen ti 18, agpadan nga awanan ti asawa.
Immuna iti daytoy, nakaawat dagiti otoridad ti report manipud kenni Brgy. Chairwoman Dolly Ginong nga adda ti napasamak a pammaltog iti nasao a lugar.
Segun ti inisyal nga imbestigasyon ti PNP-Badoc, manarimaan nga agbuybuya dagiti biktima ti telebisyon iti kubo-kubo nga adda iti sangwanan ti balay da idi adda ti nagparking a motorsiklo.
Kalpasan daytoy ket maipagrop a simrek dagiti dua a suspek ken ditoy a pinalto-paltogan da dagiti biktima.
Naitaray dagiti biktima iti Burgos Clinic Hospital idiay Sinait, Ilocos Sur ngem naideklara a dead on arrival ti ama a ni Ramil ken manarimaan met a maag-agasan dagiti dua nga annak na.
Rumrumwar a ti asawa ni Ramil a ni Rose Marie Laforga ket agpaidasig a para kapitan para ti mapaspasangasangan a Barangay elections.
