LAOAG CITY – Kinonviktaran ti kangatoan a korte idiay Brazil ti anak a lalaki ni dati a Brazilian President Jair Bolsonaro gapu iti pannakibiang na iti US intervention kabayatan ti pannakausig ti ama na gapu iti kudeta iti napalabas a tawen.
Ni Eduardo Bolsonaro, agtawen ti 41, ket napilaan ti reklamo iti napalabas a tawen gapu iti panag-lobby na kadagiti otoridad ti Amerika tapno matulungan ti ama na a dati a presidente babaen ti panangipatungpal ti taripa wenno sanctions iti Brazil.
Ti dati a kongresista iti Brazil a ni Eduardo Bolsonaro ket immakar idiay Estados Unidos idi 2025 sakbay a napaneknekan a guilty ti ama na iti panagplano na ti maysa a kudeta ken nasentensyaan a mabalud ti 27 a tawen.
Nagserbi ni dati a Brazilian President Bolsonaro manipod Enero 2019 agingga iti Disyembre 2022.
Kabayatanna, inpetteng ni Eduardo Bolsonaro a ti pannaka-kunviktar na no sadinno a mabalud ti nasurok nga uppat a tawen ket “baseless and senseless”, no sadinno nga inpaganetget na a dagiti justices ket kayat da a lapdan ti panagpaidasig na para iti eleksyon.
