LAOAG CITY – Mangnamnama ti Gilas Pilipinas a maikonsiderar ti kiddawda a mabigbig kas local player ni Angelo Kouame.
Ti 6-foot-11 center ket simmangpet ditoy pagilian manipud iti Cote d’Ivoire idi 2016 ken nagadal iti Multiple Intelligence International School idiay Quezon City no sadinno a nakagun-od isuna ti diploma iti high school idi Mayo 2018.
Iti tawenna a 18 ket immakar daytoy iti Ateneo a nagbalin a kaunaan a foreign student athlete a nagballigi iti UAAP Rookie of the Year.
Idi tawen 2021 idi ikkan ti Kongreso ti agtawen ti 27 a ni Kouame ti Filipino Citizenship tapno makaay-ayam iti Gilas Pilipinas idi panawen ni coach Tab Baldwin sakbay a nagbalin a paset ti history-making idi nakaala ti gold medal ti Gilas iti Asian Games iti babaen ni Tim Cone.
Naammoan a no bilang aprobaran ti FIBA ti exemption ken ni Kouame ket agbalin a dakkel a tulbek daytoy iti Gilas nangruna ket saan a makaay-ayam ni Kai Sotto gapu iti injury-na iti tumengna.
