LAOAG CITY – Inrakurak ti Department of Justice a kitkitaen da ti dadduma pay a possible nga anggulo iti likud ti insidente ti pammaltog iti uneg a mismo ti pagadalan iti Tacloban City idi Hunyo 22 ita a tawen.
Segun ken ni Justice Spokesperson Atty. Polo Martinez, kitkitaen da iti agdama ti ‘violent extrimism’ a mabalin a nangiduron tapno mapasamak ti pammaltog.
Mamati ti Department of Justice a saan laeng a basta simple a kaso daytoy wenno insidente ti ‘bullying’ isut gapuna a kitkitaen ti ahensya ti dadduma pay nga anggulo.
Inpetteng ni Martinez a mabalin a maitudo daytoy ti nalawlawa a rason wenno ‘pattern’ kas ti immuna a nadakamat nga ‘nihilistic violent extremism’.
Inlawlawag ni Martinez a gagem ti ahensya a saan a maiwalin ti insidente ken maitutuk ti atensyon a daytoy ket ikonsiderar kas maysa a kaso laeng ti ‘bullying’.
Innayon na a mabalin nga ado pay ti sabali a napasamak a possible a nakaapektar iti daytoy ti panagbuybuya ti online dagiti ubbing.
