LAOAG CITY – Awan ti ammo a rason ni Mrs. Sheralyn Agnes ti pannakapalto-paltog ti asawa na a ni Allan Agnes a residente ti Brgy 23 iti ili a Sarrat.
Kuna na nga awan a pulos ti naibagbaga ti asawa na ti kekuanan ti possible a rason ti pannakatatay na.
Maipalagip a napaltogan ti biktima iti Brgy Camanggaan ditoy siudad ti Laoag idi Sabado ti rabii.
Natay ti biktima gapu ti sinagaba na a dua a tama ti bala iti akin kaniigid a paset ti bukot na.
Iti inisyal nga imbestigasyon ti PNP Laoag, nakalugan ti motorsiklo ti pimmaltog a saan a nabigbig a suspek ken mamapati nga adda pay ti kotse a nagserbi a lookout.
