LAOAG CITY — Patien ti presidente ti Association of Boxing Alliances in the Philippines (ABAP) a ni a di kumurang dua a balitok a medalya ti iyawid ti Pilipinas manipud iti Paris Olympics.
Innayonna a nalabes ti panagsagana dagiti boksingero ti pagilian para iti nadakamat a torneo.
Sumagmamano kadagiti namnamaenna maiyawid a balitok a medalya ket ti light heavy weight (80kg) Eumir Marcial, featherweight (57kg) Carlo Paalam, lightflyweight (50kg) Aira Villegas, featherweight (57kg) Nesthy Petecio ken middleweight (75kg) Hergie Bacyadan.
Nagkualipika ti agtawen 28 a ni Marcial para iti Olympics kalpasan a nakaabante iti final ti Asian Games idiay Hangzhou idi napan a tawen bayat a nakastrek ti agtawen 28 a ni Villegas ken 32 a ni Petecio iti umuna a World Qualifying Tournament idiay Italy idi Marso.
Simrek ti agtawen 25 a da Paalam ken agtawen ti 29 a ni Bacyadan iti Olympics babaen ti panangabakda iti maikadua a World Qualifying Tournament idiay Bangkok, idi napan a Hunio.
Mangrugi ti boxing event idiay Paris manipud Hulio 27 ken agpatingga agingga iti Agosto 11.
