LAOAG CITY – Namnamaen ni Atty. Neri Colmenares a dagus a maresolbar dagiti kaso a sangsanguen ni Senator Leila de Lima.
Iti pannakiuman ti Bombo Radyo kenni Colmenares, kuna na a saan a napintas nga ehemplo ti judicial system ti pagilian ti kaso ti maysa a senador wenno siasinno man a nangato nga opisyal ket agpaot pay laeng sakbay a maauam no guilty daytoy wenno saan.
Mangnamnama pay ni Colmenares a saan a mapasaran ni Senator de Lima ti napadasan dan kas iti pannakaipit babaen kadagiti “legal processes” dagiti kalaban da.
Dinayaw met ni Colmenares ti desisyon ni de Lima a saan nga ilemengan dagiti kaso na ken nakasagana a sanguen na dagitoy uray pay ti pannakaiserbi ti warrant of arrest na iti daytoy nga aldaw.
