LAOAG CITY – Inpakaammo ni Dr. Samantha Josephine Licodines, City Veterinarian ditoy siudad ti Laoag nga awan pay ti umdas a personnel a katinnulong ti City Veterinary Office para iti pannakaipatungpal ti dog pound ditoy siudad.
Inbatadna nga apaman a maiplastar amin dagiti banag a kasapulan ket dagus a maipakat ti pannakatiliw dagiti walang nga aso kadagiti kalsada iti nagduduma a Barangay ditoy siudad.
Inlawlawagna a babaen iti daytoy nga addang iti opisinada ket maipasigurado iti kinatalged dagiti tattao a magmagna wenno nakalugan iti motorsiklo.
Maipalagip nga adda dagiti sumagmamano a residente ken motorista ti nadesgrasia ditoy siudad gapu iti walang nga aso.
Immuna iti daytoy, natalantan iti Sangguniang Panlungsod ditoy siudad ti Laoag maipapan iti dog pound.
