LAOAG CITY – Pinasingkedan ni Engr. Rommel Batuac, ti Chief Operation ti National Irrigation Administration a nasayaaten ti ayos ti danum iti Bongga Pump2 iti ili ti San Nicolas kalpasan ti pannaki-dayologo dagiti asosasyon ti mannalon ken iti opisina ti probinsial quarry iti kapitolyo probinsyal pakiramanan ti National Irrigation Administration nga idaulwan ni Engr Joselito De Vera Division manager iti Ilocos Norte Irrigation Management Office.
Segun kenkuana, sipud idi nagsasarita da ket awan metten ti timmaod a problema dagiti asosasyon ti mannalon iti nasao a lugar.
Nupay kasta, kuna ni Batuac a naka-standby latta ti maysa nga heavy equipment wenno backhoe iti Bongga Pump 2.
Inlawlawag ni Engr. Batuac a no kasapulan a matambankan ti pagayusan ti danum ket nakasagana ti heavy equipment da gapu ta adda latta posibilidad na nga adda ti agrugnay a paset ti bongga Pump 2.
