LAOAG CITY – Maysa a baro a Guinness World Record ti nagun-od ti speed eater a ni Leah Shutkever kalpasan a naibosna ti 49 grams ti agmaris ti berde a cotton candy iti uneg laeng ti 60 a segundo.
Inlawlawag ni Shutkever a no apay a ti agmaris ti green ti kinnanna a cotton candy ket gapu ta addaan daytoy ti tema a “The Grinch” para iti paskua.
Para iti world record attempt-na, masapol a makapangan ni Shutkever ti 45 grams nga alistona met a naaramid ken naartapan.
Naammoan nga uray nalpas isuna a napegket ti ima ken rupana ket naragsak ni Shutkever iti balligina ken nanayonan manen ti Guinness world record-na iti naidumduma nga abilidad iti taraon a napaspas.
