Suportaran ti City Environment and Natural Resources (CENRO) ti ordinansa ti Sangguniang Panglungsod ti pannakaipawil ti panagrugit dagiti taraken a dingwen iti pampubliko a lugar.
Segun ken ni Ms. Mylene Pascual, head officer ti City Environment and Natural Resources (CENRO) a ti rugit ti dingwen ket mabalin a pagturongan dagiti nagduduma nga insekto kas iti ngilaw.
Innayon na nga dagitoy nga insekto ket mabalin nga agturong kadagiti pagtaengan wenno iti mismo a makan ti maysa a tao.
Inlawlawag na a daytoy ket agbalin a risgo ti salun-at ti tao gapo ta dagiti rugit a naala dagiti insekto ket maiyakar kadagiti banag nga ipauneg ti maysa nga indibidual.
Inbatad ni Pascual a daytoy a polisia ket napintas a gakat tapno maprotektaran dagiti tattao.
Malaksid iti daytoy, kinunana pay a daytoy ti mangiliklik ti saan a napintas a pagkikinaawatan dagiti agkakaruba.
Inpettengna nga imbes nga agparugit ti akin dingwen iti aniaman a lugar ket babaen ti nasao a polisia ket maaddaan daytoy ti limitasion.
