LAOAG CITY – Balligi a naarestar ti maysa a babai babaen ti bileg ti warrant of arrest nga inparuk-at ti RTC Branch 16 ditoy siudad ti Laoag gapu iti kaso nga illegal recruitment in large scale ken estafa.
Segun ken ni Plt. Wyrlo Gatoc, deputy ti CIDG, ti babai a naarestar ket agtawen ti 47 ken residente iti sitio 6 iti Bgry. Bungcag iti ili ti Dingras.
Kuna na a basar iti innuman da iti akusado ket inadmitir na ti alegasyon a maibatbato kenkuana ken inpakaamo na pay nga adda dagiti kakadua na a mabirbirok iti Pangasinan ken Metro Manila.
Naamoan a 11 ti mangirekreklamo iti akusado gapu iti pananglukluko na kadagitoy.
Iti agdama ket nagtalinaed daytoy iti kustodyar ti CIDG bayat a maisagsagana dagiti kaso a maipila kenkuana ken awan met ti nairekomendar a piyansa na.
