LAOAG CITY – Kinumpirmaran ni Barangay Chairman Elviro Agoo iti Barangay Davila iti ili ti Pasuquin a saan a kontrabando ti karga dagiti karton a sinabat ti maysa a mangalap iti tengnga ti taaw.
Segun kenni Agoo, dagiti tallo a karton ken maysa a mountain bike a sinabat ni Mr. Elmer Taal ket kukua ti anak na a maysa a seaman ken mapan da idiay Singapore.
Kuna ni Agoo nga eksakto a lumabas iti batog ti Brgy. Davila ti anak ni Taal isut gapo na a kinontak na ti ama na tapno mapan na alaen.
Naamoan a ti nagyan dagiti karton a kukua ni Tall ket ay-ayam ti ubbing, utensils, badbado, vitamins ken dadduma pay idinto a ti mountain bike ken maysa a karton ket maipatulod idiay Parañaque a kukua met ti kapitan ti barko.
Inbatad na a ti napagtutulagan da ket masapol a maisardeng ti kastoy a pasamak gapo ta rumbeng a dumalan iti Bureau of Customs (BoC).
Basar kenni Agoo, no mapan to kitaen ken kumpiskaren ti BoC ket nakasagana da a mangiturn-over dagiti karton kadagiti maseknan.
Innayon ti kapitan a saan laeng a daytoy ti ummuna a gundaway nga adda ti mapasamak a kastoy iti baybay a sakupen ti barangay da.
Kabayatanna, kinumpirmaran ni Taal iti Barangay Davila iti ili ti Pasuquin a namin-dua a daras a napan simmabat ti Balikbayan boxes manipud iti tengnga ti taaw a naggapo iti anak na a seaman.
Segun kenni Taal, idi ummuna a gundaway ket kinita manen dagiti otorisado a personalidad a pakairamanan dagiti kameng ti PDEA.
Inlawlawag na a naaramid na manen daytoy gapo ta mabain iti kapitan ti barko nga akin-kukua iti maysa a karton ken bisikleta, ken ammo na nga awan ti karga dagiti karton a maiparit.
Kabayatanna, kuna ni Police Chief Inspector Marlon Padamada, chief of police ti PNP-Pasuquin a binagbagaan da ni Taal.
Inbatad na nga ipakaammo na ti pasamak kadagiti maseknan a personalidad para iti sumaruno nga addang da.
Mangnamnama ni Padamada a saanen nga uliten ti Taal ti panagsabat kadagiti karton iti tengnga ti taaw.
Inpasingked ti opisyal nga awan ti iligal a banag a nakita da a karga dagiti nasao a karton
