LAOAG CITY – Kinumpirmaran ni Police Major Vencioly Luzano, ti chief of police ti PNP-Pasuquin ti pannakakita dagiti mangalap iti tengnga ti taaw iti Barangay Davila ti tumtumpaw a maysa a banag.
Segun kenni Luzano, saan pay a kumpirmado no anya ti nasao a banag a naala dagiti mangalap gapo ta awan ti label na ken no anya ti usar daytoy.
Inlawlawag na a basar iti Philippine Coast Guard ket amangan no underwater drone ngem naipaima daytoy iti EO iti INPPO ditoy ciudad ti Laoag para iti eksaminasyon nangruna ket awan ti markings daytoy malaksid a daytoy ket steel tube.
Inbatad na a dagiti kameng ti EOD ti manglukat no anya ti linaon ti nasao a banag, ken saan pay a masigurado no daytoy ket eksplosibo.
Kunana na uray isuna a kapulisan ken dagiti mangalap a nakakita iti daytoy ket damo da a makakita iti kastoy a banag rason nga inpaima da kadagiti eksperto.
Naamoan a ti nasao a banag ket naalaw iti kaadayo a 30 a milya ken agatiddog ti 14 a kadapan.
Iti agdama, kunana nga adalen dagiti kameng ti EOD ken maeksamin daytoy.
