LAOAG CITY – Narekobren a nalamiis a bangkay ti maysa a baket idiay Brgy. 28 ditoy ciudad ti Laoag.
Nabigbig daytoy a ni Felicita Andres Gerardo, agtawen ti 78, awanan ti asawa ken residente iti nasao a barangay.
Segun ti imbestigasyon dagiti otoridad, nakita laengen ti apoko ti biktima a ni Jay-jay Lopez Quelnat, agtawen ti 27, awanan ti asawa ti bangkay ti baket a tumtumpaw iti irrigation canal nga adda iti asideg ti balay da.
Dagus met a nagpatulong daytoy kadagiti karruba da ken inpakammo da iti biang ti PNP.
Basar ti palawag ti apoko ti biktima a ni Lorrybelle Riena Dallo, agtawen ti 31, awanan ti asawa nga idi tawen 2016 ket ginandat manen ti lola na ti nagpakamatay babaen ti panaglaslas na.
Inbatad met ni Dr. Renato Mateo a natay ti biktima kalpasan a nalmes.
Awan met ti nakita dagiti otoridad a foul play iti napasamak.
