LAOAG CITY – Kinumpirmaran ni Police Chief Inspector Gerardo Antonio, ti chief of police iti Solsona, Ilocos Norte a bangkay ti maysa a baket ti narekobre nga agruprupsan ti paset ti Barangay Man-anteng ti nasao nga ili.
Inbatad na a ti saan pay a nabigbig a biktima ket mapatta-patta nga agtawen ti nasurok a 50, kulot ti buok na ken agtayag ti 4 a pulgada ken walo a kadapan.
Kuna na a ti nasao a biktima ket nakabado ti stripes a white ken dark blue ken nakashort ti maong.
Segun ken ni Antonio, ti biktima ket nakita iti abagatan ti Solsona-Apayao Road a napandagan ti batbato ti ken adda ti maipagarop a bagkong ti buksit na.
Kuna na nga apaman a naikkat dagiti bato a nakapandag ti biktima ket ditoy a nakita da a rimuar payen dagiti bagis na.
Inbatad pay ni Antonio a segun ti pannaka-eksamen ti bangkay ket mapatta-patta nga addan 5 nga aldaw a natay sakbay a nabirukan.
Innnayon na nga agtultuloy ti imbestigasyon da seknan ti nabirukan a bangkay iti nasao nga ili.
