LAOAG CITY – Kinumpirmaran ni Mrs. Elizabeth Bolibol iti Athens, Greece a naiyawiden ditoy pagilyan ti bangkay ti nasinged a pagayam na a ni Leticia Rosauro Bermudez a taga Pinili, Ilocos Norte.
Inbatad ni Bolibol a naiyawid ti bangkay ni Bermudez babaen ti tulong dagiti nagduduma nga ahensya ti gobierno kangrunaan na iti Philippine embassy idiay Greece ken iti OWWA.
Malaksid ti daytoy, ado pay dagiti pada da a Pilipino a nangted ti pinansyal a tulong para ken ni Bermudez.
Immunan nga inrakurak ni Bolibol nga umabot iti nasurok a 2 ribo nga Euro ti kasapulan para ti pannakaiyawid ti bangkay ni Bermudez ditoy pagilyan.
Maipalagip a natay ni Bermudez kalpasan a naghighblood idiay Greece.
