LAOAG CITY – Inbatad ti beterana nga aktres a ni Jean Garcia a 11 a tawenen a single, ngem naragsak ken kuntento iti biagna.
Iti Fast Talk with Boy Abunda, kuna ti aktres a para kenkuana ket awan dakesna ti panagtalinaed a single, gapu ta para kenkuana ket paspasig a napinpintas a banag ti intunda daytoy kenkuana.
Inrakurak na nasaysayaaten nga agaywan laengen kadagiti appoko na ken ti bagina no saanen a dumteng ti lalaki a para kenkuana.
Innayon na a saan nga agur-uray wenno agbirbiruk ti baro a love life na gapu ta umdasen kenkuana ti pamilya ken dagiti fans na.
Inpakaammo pay ti aktres a ti maysa a “magic” na no apay a naragsak ti biagna ket saan nga agpapa-stress kadagiti nagduduma a banag.
Inpetteng na a saanna a kayat a ma-stress ti bagina gapu ta mamati nga aniaman a dumteng a problema ket adda latta ti solusyon na.
