LAOAG CITY – Nagkiddaw ti apela ti kampo ni dati a Presidente Rodrigo Duterte kontra iti desision ti International Criminal Court (ICC) a kumpirmaren dagiti kaso a naipila kontra kenkuana.
Iti naisubmitir a 18 a panid a dokumento iti International Criminal Court Pre-Trial Chamber I, inpetteng ti depensa a maipagarup a nagkamali ti korte iti panangipalubos nga ituloy ti kaso ken inawaganna nga “impermissibly flexible” iti panangbukel kadagiti pammabasol.
Segun iti kampo ni Duterte, saan a nalawag ti ebidensia a nagibasaran ti korte iti panangaprobar kadagiti kaso a mabalin a makaapektar iti panagbalin a patas ken naurnos a taray iti panangtingiting.
Sumangsango ni Duterte iti tallo a bilang ti crimes against humanity mainaig iti panangpapatay iti babaen ti war on drugs ken manarimaan a nakabalud iti The Hague sipud pay idi Marso 2025.
Kabayatanna, nabukel payen ti Trial Chamber III ti International Criminal Court nga agiggem ti kaso nga agserbi a sumaruno a tukad ti panagdengngeg kontra iti dati a Presidente.
