LAOAG CITY – Kalikagom ti Region 5 wenno Bicol Region nga agtalinaed da a Ranked 10 iti Palarong Pambansa 2025.
Segun ken ni Francisco Dexter Sison, Regional Sports Officer – Region V, amin a delegado ket agkalikagom a mangabak ngem kasapulan nga awaten ti kinapudno a saanda a kabaelan a gun-oden ti umuna a pwesto.
Inlawlawag na narigat a kalaban ti National Capital Region, Iloilo, Calabarzon ken Western Visayas isut gapuna a ti laengen gagem da ket agtalinaed iti Ranked 10 ti rehiyon 5 nga isu ti pwesto da idi Palarong Pambansa 2024.
Kuna ni Sison a ti napateg ket magun-od da manen ti “Most Discipline Delegation”, “Eco-Friendly” ken dadduma pay, a dagitoy ket kanayun da a magungun-od tunggal maiwayat ti Palarong Pambansa.
Innayon na a ti target da ket saanda a lumabes iti Ranked 10.
