LAOAG CITY – Inpakaammo ni Ms. Antonette Bareng, ti mangidadaulo ti Business Permit and Licensing Office ditoy ciudad ti Laoag nga ad-ado dagiti peddlers a nakaala ti business permit na idi 2024 no ikompara ita a tawen.
Inbatad na nga iti napalabas a tawen ket inpasardeng da ti panagited ti business permit kadagiti peddlers gapu iti kinaado da a mapan mangala.
Inlawlawag na a ti kangrunaan a rason no apay a basbassit dagiti peddlers a nakaala paylaeng ti business permit na ket gapu ta adda dagiti nagsardeng nga aglako ken dadduma pay.
Immunan nga inbatad ni Bareng a saan da a limitiran ti mangipaay ti business permit kadagiti peddlers ditoy ciudad ti Laoag.
Daytoy ket kalpasan nga ado pay dagiti peddlers nga awan ti business permit-na kangrunaan dagiti aglaklako iti sango ti Mariano Marcos State University ditoy ciudad ti Laoag.
