LAOAG CITY – Nagatendar dagiti Barangay Peacekeeping Action Team (BPATs) iti seminar ken training para iti adadda a panaglaingda tapno takderan ti akemda iti barangay ditoy siudad ti Laoag.
Ti seminar ken training ket ka paset ti 31st Police Community Relations (PCR) Month.
Daytoy ket gapu ta dakkel ti akemda iti panangimanehar ti linak ken talna iti lugarda gapu ta dagitoy ket first responder.
Gagem daytoy a palawaen ti laingda no adda dagiti agririri, pangta kas kuma iti panagusar ti aniaman nga armas, panangsalaknib ti bagi, ken tapno ammoda ti aramidenda no panawen ti didigra ken nagduduma pay a kasapulan a tulong ti barangayda.
Nagyaman ket dagiti kameng ti kapulisan ken lokal a gobierno iti nasao a siudad ti tulong ken sakripisio dagiti Barangay Peacekeeping Action Team (BPATs) gapu ti dedikasionda iti trabahoda.
