LAOAG CITY – Nagpanawagan ni Miss Antoneth Bareng, ti mangidadaulo iti Business Permit and Licensing Office ditoy ciudad ti Laoag, kadagiti aglaklako ti prutas iti umadanin panangsarabo ti baro a tawen a mapan da mangala ti special permit.
Inaramid na daytoy kabayatan nga umas-asideg ti panangsarabo ti baro a tawen nga isu ti kaado dagiti aggatang ti prutas.
Kuna na a namnamaen da a bayat nga umas-asideg ti baro a tawen ket umad-ado met dagiti possible nga aglako ti prutas ditoy ciudad ti Laoag.
Innayon na nga adda dagiti permanente nga aglaklako ti prutas kangrunaan na iti merkado publiko ditoy ciudad ngem saan a maliklikan nga adda da pay dagiti dadduma nga aglako ita nga holiday season.
Inbalakad na a masapol a mapan mangala ti special permit dagiti mangayat nga aglako ti prutas ita a mapaspasangasangan ti baro a tawen tapno saan a maatiwan dagiti permanente nga aglaklako.
