LAOAG CITY – Naglikudan ni Barangay Capt. Charles Villator iti Brgy. Espiritu iti ili ti Dingras ti alegasyon a masansan painumen na ti arak dagiti brgy. Tanod sakbay ti panagdutyda.
Inlawlawag ti kapitan nga idi rabii ket nagpainom daytoy kadagiti trabahador na ken maysa a brgy. tanod ti nagubra met iti asideg ti pagpapaubraanna isut gapuna nga inayaban na daytoy.
Inbaga na a saanna nga ipalubos nga aginom ti arak dagiti tanod sakbay nga agduty da kangrunaan na ket 24 nga oras ti panagduty dagitoy.
Segun pay kenni kapitan Villator, pagmeryendaen na laeng dagiti tanod ngem saan nga agpainom ti nasanger.
Inadmitir na a nasakit ti riknana iti rimwar nga isyu gapu ta agsaksakripisyo da nga agbanbantay ngem adda pay laeng dagiti mangakusar ti kastoy kadakuada.
Kabayatanna, sinuportaran met ni Brgy. kagawad Walter Villator ti palawag ni kapitan Villator no sadinno a kuna na a makitkita na ti inaldaw a panagduty dagiti tanod gapu ta uray isuda a Brgy. Kagawad ket nakaduty a kanayun.
