LAOAG CITY – Nangidonar dagiti Bangko Sentral ng Pilipinas Employees Association Inc. (BSPEAI) ti armchairs manipud recycled a Philippine polymer banknote a nakonsiderar kas unfit para iti circulation.
Daytoy ket kas paset ti sustainability ken community development initiatives.
Iti maysa a rakurak, inbatad ti central bank nga agarup ginasot a tugtugaw ti naipaay iti Doña Pilar L. Marfori Elementary School idiay Davao City.
Indauloan pay ti Bangko Sentral ng Pilipinas (BSP) Deputy Governor Mamerto Tangonan ken Bangko Sentral ng Pilipinas (BSP) Mindanao Regional Office Officer-in-Charge Jason Capocao, kadwana isuda BSPEAI President Brent Lucero ken Director Eloisa Glindro ti Currency Policy and Integrity Department ti panangipay kadagitoy.
Kuna ni Tangonan a dagitoy ket planned lifecylec manipud cisculation agingga ti pannaka-recycle-na.
