LAOAG CITY – Kinumpirmaran ni Vice Mayor Vicentito Lazo ditoy ciudad ti Laoag a mangrugi ti budget hearing intono Disyembre 9 ita a tawen.
Ti pondo a mailatang iti lokal a gobierno ti ciudad ti Laoag para iti sumaruno a tawen ket agarop 1.1 bilyon a pisos.
Binilin ti bise mayor ti Chairman ti Committee on Approriations ditoy ciudad a makikoodenar kadagiti nagduduma a department heads ken maipakammo ti schedule tapno makaatendar dagitoy iti budget deliberations.
Maipalagip nga iti napalabas a tawen ket naiyuna dagiti dadakkel ti pondo na kas iti City Engineering Office, CSWDO ken dadduma pay.
Rumrumuar a no anya ti schedule iti naminsan a tawen ket isu met laeng ti masurot ita a tawen.
Kabayatanna, mangnamnama ni Lazo nga al-alisto ita a gundaway ti budget hearing maarpubaran sakbay nga agngudo ti tawen 2021.
