LAOAG CITY – Ngimmato ti budget iti opisina ni Vice Pres. Sara Duterte inton sumaruno a tawen.
Daytoy ket iti baet nga awanen ti confidential ken intelligence funds-na.
Inbatad ni Budget Secretary Amenah Pangandaman iti press conference iti Malakanyang a dumanon iti P2.037 a bilyon a pundo ti nailatang para iti Office of the Vice President.
Adda iti P188.5 milyon ti para iti personal services, P1.79 a bilyon iti maintenance and other operating expenses ken P56 a milyon iti capital outlay.
Nangatngato daytoy ti 8 porsiento ti budget ti Office of the Vice President para inton sumaruno a tawen maidasig iti agdama a tawen.
Immunan nga inbatad ni Duterte a saan daytoy a nagkiddaw ti confidential ken intelligence funds para inton sumaruno a tawen.
Kabayatanna, agkidkiddaw idi ni Duterte ti P500 a milyon a confidential ken intelligence funds para iti 2024 ngem inbabawina met laeng daytoy.
