LAOAG CITY – In-defer ti Commission on Appointments (CA) ti pannaka-ikonsiderar ti ad interim appointment ni Philippine Space Agency (PhilSA) Director General Joel Joseph Marciano, Jr. gapu ta saanna a nasungbatan dagiti saludsud kenkuana kabayatan ti taripnong.
Indeklarar a mismo ni Commission on Appointments Majority Floor Leader ken Camarines Sur Rep. Luis Raymund “Lray” Villafuerte, Jr. ti pannakai-defer ti pannakaikonsiderar ti appointment ni Marciano.
Naamoan a karaman kadagiti sinaludsud ni Villafuerte ket no ania dagiti probinsya a masansan nga agpasar ti La Niña.
Nasungbatan ni Marciano ti saludsud kenkuana ngem saanna a naibaga amin dagiti probinsya a prone iti La Niña.
Binabalaw pay ti agpanpanday linteg ni Marciano gapu iti maipagarop a saanna a panangipaay kadagiti Local Government Units iti satellite images a makatulong kadakuada iti weather forecasting.
