LAOAG CITY – Saan a nakaay-ayam ni Calvin Abueva iti maikadua a nagsaruno nga ay-ayam para iti Magnolia kontra iti Terrafirma iti PBA Philippine Cup gapu iti ang-angalenna a sakit ti siketna.
Inbatad ti beterano a forward a kimmaro ti injury iti ay-ayam ti Hotshots idi Abril 17 kontra iti Blackwater Bossing iti Ninoy Aquino Stadium.
Agay-ayam pay laeng isuna iti Magnolia kontra iti Rain or Shine iti Tiaong Convention Center iti iskor nga 108-102 a balligi ken ti sumaruno nga outing ti grupo kontra iti San Miguel, iti iskor a 98-91 a pannakaabak.
Mangnamnama ni Abueva a makasubli iti aksyon kabayatan nga iliplippas ti grupo ti elimination round assignment-da kontra iti TNT.
