LAOAG CITY – Personal a binisita ni Canadian Prime Minister Mark Carney ni United States President Donald Trump.
Ti nasao a panagbisita ket kagiddan ti tension maipapan iti negosio no sadinno a nangipatungpal ti nangato a taripa ti Estados Unidos kadagiti produkto ti Canada.
Iti nasao a taripnong, naminsan manen nga inpetteng ni Carney a saan nga ilako ti Canada kas sungbat iti plano ni Trump nga aramiden a maika-51 nga estado ti Canada.
Inpaganetget met ni Trump nga uray nagtaripnongdan ken ni Carney ket saan latta nga agbalbaliw ti desisyion daytoy a mangipatungpal ti taripa.
Maipalagip a pinatawan ni Trump ti 25 a porsiento a taripa dagiti produkto ti Canada no sadinno a nagibales met ti Canada ken pinatawan ti taripa a dumanon ti $43 bilyon a balor ti produkto ti Estados Unidos.
