LAOAG CITY – Nagkedked a mangipaay ti naan-anay a detalye ni Barangay Chairman Derick Velasco iti Barangay Buyon iti ili ti Bacarra mainaig iti naladaw a pannakaibunong ti in-cash advance na a 330 a ribo a pisos.
Ummuna iti daytoy, adda ti dimmanon ditoy Bombo Radyo nag-cash advance ni Velasco ti nasao a gatad idi Mayo ngem maipagarop a naibunong laeng itay napan a bulan ti Agosto ken dagiti naikkan ket dagiti adda ti mabalin da iti biag wenno babaknang.
Nupay kasta, kuna Velasco a dagiti adda ti reklamo na mainaig iti daytoy ket nawaya da a mapan agreport iti munisipyo tapno malawlawagan wenno maimbestigar daytoy.
Inpetteng pay ni Velasco a ti panag-cash advance na ket dimmalan iti husto a proseso ken kumpleto ti dokumento mainaig iti daytoy.
Kabayatanna, kuna ni appointed consultant Nicomedes dela Cruz a ti cash-advance ket masapol a maliquidate iti uneg ti 90 nga aldaw.
Inlawlawag na a basar iti voucher ket napetsaan daytoy ti Mayo 19.
Inbatad na pay a nasken kuma a saan a nakirwar ti lokal a gobierno ti Barangay Buyon no na-liquidate daytoy ket ti kantidad ket para kadagiti amin a residente iti nadakamat a lugar.
Kunana a naduktalan na a karaman kadagiti naikkan ket tallo a pamilya Florida iti laksid a ti nasao a pamilya ket naigonar ti 330 a ribo a pisos iti nasao a barangay nga isu ti nagsiddaawan na.
Rumrumwar pay a basar iti nagpirmaan dagiti immawat ket adda pay nagan a mismo ti kapitan.
