LAOAG CITY – Inpetteng ni Senador Alan Peter Cayetano a maipagarup ada ti sabali a motibo ti rakurak ni National Bureau of Investigation (NBI) Director Melvin Matibag mainaig iti imbestigasion iti maipagarup nga anomalia iti 2019 Southeast Asian (SEA) Games.
Iti maika-innem nga aldaw ti impeachment trial ni Bise Presidente Sara Duterte ita nga aldaw, inpetteng ti sendor a maipagarup adda ti“misfire” ti anunsio ti NBI.
Segun kenkuana, saan nga umno a mairuar a dagos nga adda ti anomaliana gapo iti kinaawan ti bidding iti sumagmamano a proyekto.
Inlawlawagna nga ado dagiti wagas ti procurement a palubusan ti gakat iso nga saan nga umno nga aramaten daytoy kas indikasion ti iregularidad ti kinaawan ti bidding.
Iti agdama, ni Cayetano ti mangidadaulo iti Philippine Southeast Asian Games Organizing Committee (PHISGOC) a mangururnos iti nadakamat a paayayam.
Kabayatanna, impasigurado ni Matibag a makin-iggem ti dokumento ti NBI a mangpanekek iti imbestigasionda, iti New Clark City Sports Complex a naipasdek para iti Southeast Asian Games.
Manamnama a sumango ni Matibag kas testigo inton sumaruno a lawas, bayat iti panagtultuloy ti imbestigasion a mabalin a makapektar iti kredibilidad dagiti proyekto a naiwayat idi 2019 SEA Games.
