LAOAG CITY – Paangaw nga inlawlawag ni National Bureau of Investigation (NBI) Director Melvin Matibag a saan a “bato” no diketdi “landok” ti natiliwda iti panagturongda iti Davao City.
Daytoy ket kalpasan ti rakurak ti National Bureau of Investigation (NBI) chief mainaig kadagiti espekulasion ti pannakaarestar ni Senador Ronald “bato” dela Rosa kalpasan a nagturong iti Davao City dagiti operatiba ti National Bureau of Investigation (NBI) ken ti Presidential Anti-Organized Crime Commission (PAOCC) ita nga aldaw ti Biyernes, Agosto 14.
Mainaig iti daytoy, inlawlawag ni Matibag kadagiti media a nagturongda iti Davao kalpasan ti joint raid iti manufacturing plant ti Davao Mighty Steel Corp. iti Barangay Ilang ng Buwan district, a nagresulta iti pannakaisalakan kadagiti 174 Filipino workers.
Maipalagip a manarimaan nga aglemlemmeng ni dela Rosa iti baet ti sangsangoenna a warrant of arrest manipud iti International Criminal Court (ICC) kalpasan a nainaganan daytoy kas co-perpetrators ni dati a Presidente Rodrigo Duterte iti kaso a crimes against humanity gapu kadagiti maipagarup panagpapatay iti war on drugs ti Duterte administration.
