LAOAG CITY – Natakawan ti maysa nga agnanaed iti Brgy. 21 ditoy siuad ti Laoag babaen kadagiti tallo a suspek iti parbangon idi kalman.
Iti pannakiuman ti Bombo Radyo Laoag kenni Ms. Shiela Dela Cruz, biktima, bayat a matmaturog ket dita a kellaat a nagawan ti cellphone nga agbalur ti 15 a ribo a pisos ken wallet a nagkarga ti tallo a ribo a pisos.
Inlawlawag na a saanan a napuutan ti pannakaitaray ti cellphone ken wallet na iti agarup alas tres ti parbangon idi kalman.
Kuna na a naala iti CCTV Camera dagiti tallo a tattao no sadinno a sinerrek da pay ti maysa a tianggi ken sumagmamano a pagtaengan ngem maipagarup nga awan ti naala da.
Inbatad ni Dela Cruz a naiwar-warang pay dagiti nagyan iti bag ti kadua na ken nabirokan da ti maysa nga immuko.
Patyen pay ni Dela Cruz a naplano ti napasamak a panagtatakaw gapu ta nagsubli-subli dagiti tallo a suspek wenno agpalpaliiw no adda dagiti nakariing a residente iti oras ti parbangon.
Mainaig iti daytoy, inpakaammo ni Dela Cruz a naireport nan iti PNP Laoag ken naalan ti kopya ti CCTV footage ti insidente para iti naan-anay nga imbestigasyon.
