LAOAG CITY – Naan-anayen a kinumpleto ti Celtics ti 4-0 sweep iti Indiana Pacers iti Eastern Conference championship series-da a sumrek iti NBA Finals.
Inserrek ni Derrick White ti tie-breaking 3-pointer iti maudi nga 43 a segundo iti iskor nga 105-102 a panagballigi ti Boston iti Indiana iti Game Four ti conference finals-da.
Daytoy ti maikadua nga NBA Finals appearance ti Celtics iti maudi a tallo a seasons ken sangoenda ti mangabak iti Western Conference finals series ti Dallas Mavericks ken Minnesota Timberwolves.
Bitbit ti Mavericks ti 3-0 lead iti Timberwolves.
Kimmamada ni Jaylen Brown ti 29 points ken napadayawan kas conference finals MVP idinto a nagun-od ni Jayson Tatum ti 26 points, 13 rebounds ken 8 assists.
Nakairekord met ni Andrew Nembhard ti 24 points, 10 assists ken 6 rebounds para iti Pacers ken addaan ti 19, 15 ken 14 markers da Pascal Siakam, T.J. McConnell ken Aaron Nesmith, maibasar iti panagsasaruno.
