LAOAG CITY – Maysa nga agtawen iti 33 a chef idiay Canada ti nakairekord ti world record gapu iti talent daytoy nga ag-slice kadagiti nateng a napaspas kabayatan a naka-blindfold.
Kinumpirmaran ti records keeping organization a Guinness World Records a ni Wallace Wong ti akin-iggem ti 11 world record titles gapu iti talentona iti panag-slice kadagiti nateng.
Naammoan a dagiti nadakamat a titulo ket dagiti sumaganad: most tomatoes cut in one minute, 14; most tomatoes cut in one minute while blindfolded, 9; most slices of celery sliced in 30 seconds, 128; most slices of celery sliced while blindfolded in 30 seconds, 125; fastest time to slice a bell pepper, 9.43; fastest time to slice a bell pepper blindfolded, 10.78; most slices of garlic sliced in 30 seconds, 117; most slices of garlic sliced while blindfolded in 30 seconds, 127; ken most chilies chopped in 30 seconds, 13.
Inbatad ni Wong, nariparna nga al-alisto isuna nga ag-slice kadagiti nateng no naka-blindfold.
